Откако изградбата е завршена, таа се става во употреба, а надлежниот орган (општината) издава одобрение за употреба, во определен рок од денот на извршување на техничкиот преглед (согласно домашната регулатива, овој рок изнесува 15 дена).
Техничкиот преглед е задолжителна фаза, а го врши надзорен инженер или посебна комисија, во зависност од типот на градбата за кој станува збор, чл. 89, 93 од Законот за градење.
По издавањето на одобрение за употреба, изведувачот и инвеститорот вршат примопредавање на градежниот објект и за тоа составуваат записник (записник за примопредавање на изведена градба како градежен објект).
Следствено на тоа, „Certificate of Completion“, подразбира издавање одобрение за употреба.

Закон за градење, Сл. весник на РМ, бр. 130/09, 124/10, 18/11, 36/11, 54/11, 13/12, 144/12, 25/13, 79/13, 137/13, 163/13, 27/14, 28/2014, 42/14, 115/14, 149/14, 187/14, 44/15, 129/15, 217/15, 226/15, 30/16, 31/16, 39/16, 71/16, 132/16, 35/18, 64/18 и 168/18